Љубе Бошковски повторно отстранет од судницата

Љубе Бошковски повторно беше отстранет од судницата на денешното рочиште за случајот „Ровер“.

Бошковски денеска раскажуваше книги, цитирајќи Достоевски, Кафка и Библијата и рече дека не сака да го гледа, според него „судскиот Монти Пајтон“.

– Мојата порака кога велам догодина ќе завршите во Идризово можев да ја кажам и во мој стил, според Библијата и евангелието- ќе ви биде мерено со истата мерка со која вие денес мерите. Јас иако сум незауздан бунтовник, се бунтувам со причина. Сакам да си одам од овој Монти Пајтон во продолженија – изјави Бошкоски.

На денешното рочиште сведочеа вработени во МВР од времето кога Бошковски беше министер за внатрешни работи а кои претходно беа обвинети во случајот. Обвинетите за прв пат го видоа оружјето за кое обвинителството тврди дека било извршено двојното убиство негираа дека тоа е истиот пиштол кој полицијата претходно го пронашла.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.