Боемите во конечна пресметка со комитите

Опозицијата конечно го најде лекот како да ја урне власта. На клетите комити и комитки ќе им се спротивстават весели боеми и боемки.

Планот  е едноставен, секоја вечер на Боемската улица ќе се собираат активисти на опозицијата, тие прво ќе пејат и ќе пијат до 12 и тогаш ќе започнат со акција против власта.

Веселите боеми и боемки кои што ќе мора да се најмалку три генерации стари Скопјани и кои што имаат прочитано најмалку 5 книги белетристика по завршување на работното време ќе пејат по скопските улици од Дебар Мало до Владата каде што на обезбедувањето ќе му се пренесат порака дека диктатурата мора да запре.

Со инвестирањето на половина милион евра во Боемската улица во општина Центар конечно се создадоа услови да падне оваа ненародна власт која што иако е цели 8 години во владата не и текна да направи Боемска улица и со тоа да го промовира вистинскиот начин на живот каде пиењето, пеењето, лепењето илјадарки на армоникашот се суштински  вредности.

Единствено што сеуште не е јасно е како ќе успее опозицијата да ги вметне 5000 специјални групи во двете кафеани во Боемската улица, ќе има ли посебни термини кои ќе работат 24 часа или пак на секој член на специјалките ќе му падне да пие и пее само еднаш месечно.

Освен оваа дилема се друго е јасно, Груевски е готов боемите ја презедоа работата во свои раце.

—————————————————————————————————————————————————————-

***  Целта на „Војвода Бихаќки“ е да се сврти вниманието на одредени појави во општеството. Секоја сличност со правите луѓе и институции е случајна.  

Војвода Бихаќки

*** Целта на „Двоглед“ е да се сврти вниманието на одредени појави во општеството. Секоја сличност со вистинските луѓе и институции е случајна.

*** The aim of "Dvogled" is to draw attention to certain phenomena in society. Any similarity to actual persons and institutions is merely coincidental.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.