Екипата на Арсенал за неполни 100 секунди постигна три гола и заслужено ги освои бодови на гостувањето кај Астон Вила. Најдобар натпревар од почетокот на сезоната одигра германскиот репрезентативец во дресот на „топчиите“ Месут Озил кој постигна еден гол и една асистенција.
Во листата на стрелци се запиша и засилувањето од Манчестер Јунајтед Дени Велбек. Конечните 0-3 ги постигна Сисоко, но од редовите на Астон Вила бидејќи тој си постигна автогол.
Продолжуваат лошите резултати на Ливерпул. Играчите на Брендон Роџерс одиграа анемични 90 минути на гостувањето кај Вест Хем и заслужено беа поразени со 3-1. Домаќините за само седум минути постигнаа два гола преку Рид и Сахо во втората и седмата минута. Стерлинг постигна гол за надеж на „црвените“ од Ливерпул во 26 минута, но тоа беше се што направија Џерард, Балотели и останатите играчи. Амалфитано ја запечати судбината на гостите со гол во финишот од мечот. По заминувањето на Луис Суарез од редовите на Ливерпул, останатите напаѓачи неможат да се снајдат и да ја пронајдат формата од почетокот на минатата сезона.
Резултати од петтто коло во Англија:
Астон вила – Арсенал 0-3, Свонси – Саутемптон 0-1, Барнли – Сандерленд 0-0, Њукасл – Хал 2-2, КПР – Стоук 2-2, Вест Хем – Ливерпул 3-1.
Утре колото го заокружуваат Лестер – Манчестер Јунајтед, Тотенхем – ВБА, Евертон – Кристал Палас и дербито кое се игра во Манчестер меѓу домашната екипа на Манчестер Сити и лидерот на табелата Челси.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
