Кондомите кои се дистрибуираат во Уганда се премали за повеќето жители на земјата, предупредија пратениците по турнејата низ регионите, стравувајќи дека тоа може да придонесе за ширење на СИДА-та.
Во текот на посетата на регионите кои се особено зафатени со епидемијата, парламентарната комисија за ХИВ примила многу поплаки од жителите на Уганда во врска со кондомите кои им се делени, кои биле инаку со само една големина и „изгледаат неприлагодени за нивната морфологија“, изјавиле неколку парламентарци за телевизијата NTV-Уганда, пренесува „АФП“.
Во некои области „докажано е дека луѓето имаа поголеми сексуални органи, и дека би требало да бидат снабдени со поголеми кондоми“, оценил пратеникот Том Аза, член на комисијата. „Кога ќе преминат во акција додека водат љубов, имајќи го предвид притисокот, кондомите им прскаат“, појаснил за телевизијата.
Неговиот колега Мерард Битеткиерезо, пак, забележал дека „некои момчиња се пожалиле дека кондомите што ги добиваат им се прекуси, па нивните органи не ги собира внатре“.
Сара Неталисиле, исто така членка на споменатата парламентарна комисија, изразила загриженост дека тој проблем со величината „ги изложува нашите момчиња и девојки, како и сите корисници на кондоми, на опасност од зараза со ХИВ“.
Телевизијата во прилогот известила и дека угандските пратеници ќе бараат од производителите и дистрибутерите да го снабдат населението со повеќе поголеми кондоми.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
