„Жито Лукс“ го поскапи лебот за еден денар, објави телевизијата „Алсат М“. Ова е второ зголемување на цената на лебот за период од три месеци. Новата цена на лебот е во сила од пред два дена.
Од комапнијата за телевизијата велат дека се работи за балансирање на цените.
„Земајќи ги предвид движењата на пазарот, понекогаш се јавува потреба за балансирање со цените. Оваа промена на цената произлегува од такво балансирање, кое некогаш е намалување, а некогаш зголемување на цената на лебот. Поради осетливоста на прашањето за цената на лебот, како компанија донесовме одлука да ја зголемиме цената на лебот само за еден денар. И понатаму ќе ги применуваме највисоките стандарди во производството на леб создавајќи нови иновативни производи “ се вели во соопштението на „Жито Лукс“.
Од министерството за земјоделство, пак, тврдат дека иако годинава квалитетето на житото е исклучително лош, нема опсаснот од недостиг од оваа земјоделска култура, што би можело да влијае врз зголемување на цената на лебот.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
