Со фантастичен процент за шут членовите на американскиот тим од соништата вечерва во Мадрид дојдоа до првото место на светското првенство во кошарка.
Со 63 % ( 30/48) за два поени, 50 % (15/30) за три поени и 83 % (24/28) од слободни фрлања НБА ѕвездите лесно дојдоа до 37 поени разлика против индиспонираните српски играчи кои што не можеа да ја повторат играта против Франција, Бразил и предходно Грција.
За разлика од нив Србија имаше скромен процент од само 20 % за три поени што во предходните мечеви беше нивно најсилно оружје.
Српската селекција потфрли и под кошевите каде Американците имаа 12 скока повеќе (44 – 32).
Финалниот резултат и не можеше да биде поинаков откако во првата четвртина по предноста на Србија од 15 спрема 7 Американците направија серија од 15 коша и уште поважно ја почнаа серијата од 15 тројки во мечот.
Селекторот на Србија Џорџевиќ немаше решение за расположените за шут Ирвинг (26), Харден (23) и Фарид (12) а кај северниот сосед најефикасни беа Бјелица и Калиниќ со по 18 кошеви како и Богдановиќ кој на крајот дојде до 16 поени.
Во битката за трето место на седумнаесетиот светски шампионат во кошарка вчера Франција ја совлада Литванија.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
