Од први септември во Скопје почна да работи новиот Центар за плодност „Њуборн“, а веќе на 16 септември е закажана првата ин витро операција. Центарот е турска инвестиција, а во него ќе работат доктори-специјалисти од Македонија, Албанија и од Турција.
„Њуборн клиник“ гарантира за своите резултати и медицинската процедура е наплатена откако резултатите се видливи. Со самодовербата во сопствената работа, оваа клиника е различна од другите со новите третмани, новите методи на лекување и технологии во ин витро фертилизацијата, велат од Центарот.
ЕРА методот, ПГС методот – предимплатантното генетичко скенирање, ендометријално гребење, ко-култура и IUTP фертилизација првпат се имплементираат во Македонија. ЕРА како генетски дијагностички метод дава подобар увид во женскиот имплантациски процес и помош во подготовката на стратегијата за третманот. Една од услугите на клиниката е проверка за целосни хромозоми од ендометријална биопсија, како дел од ЕРА методот.
– Во нашата работа ние создаваме живот и знаеме колку драгоцен и кревок може да биде посебно во одредена фаза од процесот. Токму поради тоа нашата политика е да понудиме резултати, а со тоа и да предизвикаме нечија среќа, затоа што веќе сме го виделе среќното лице кај оние што ќе станат родители. Методите што ги користиме, експертиза со која што располагаме и тимот на едуцирани и реномирани специјалисти ни овозможува загарантирани резултати во нашата работа – изјави доктор Бирол Ајдин, шеф на ембриологија.
Персоналот на клиниката се состои од искусни лекари од областа на гинекологијата, урологијата, анестезиологијата и генетиката, заедно со ембриологот. Како дел од овој престижен тим, исто така е и проф. д-р Русен Атмаџа, специјалист за гинекологија и ин витро оплодување, кој е награден со бројни признанија за неговите медицински достигнувања.
– Со имплементацијата на новиот иновативен систем, нашиот центар нуди поразлични услуги од други болнички установи. Многу побрзо, поудобно и со минимални стрес. Во нашиот центар, трошоците за ин витро оплодување можат да бидат покриени и преку Фондот за здравствено осигурување – изјави госпоѓа Серпил Каја, извршен директор.
Покрај ИВФ (ин витро фертилизација) методот и ИУИ (интраутерина инсеминација) во оваа Клиника подеднакво се третира и неплодност кај мажите. Клиниката е резултат на турско-македонското партнерство и е инвестиција вредна 1 милион евра.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
