Дојдов да ве сакам – струмичанка испаничена откако непознато момче ѝ влегло дома

Во куќата на С.П.(35) во Струмица вчера околу 21:40,  влегло непознато машко лице на возраст од околу 20 години, се приближило до нејзината четиригодишна ќерка и ја бакнало во пределот на главата. Таа не изреагирала веднаш, мислејќи дека лицето е другар на нејзиниот син, но откога увидела дека влегло само, го прашала што бара во нејзината куќа. Тој се приближил до неа, силно ја гушнал, фаќајќи ја за градите и обраќајќи и се со зборовите: „Дојдов да ве сакам“.

Таа се обидела да го отргне од себе, но бидејќи тој ја повторил постапката неколку пати,  почнала да вика за помош, по што пристигнал нејзиниот девер и успеал да го отргне лицето и да го задржи до доаѓање на полициски службеник од Полициската станица Струмица.

По извршеното легитимирање, утврдено е дека се работи за Н.Б.(21) од Струмица, кој, и понатаму и во присуство на полицаецот покажувал знаци на хиперактивност и неконтролирано однесување, соблекувајќи се гол. Н.Б. е однесен во Медицинскиот центар во Струмица на Нервно одделение, каде од страна на лекар е констатирано дека се работи за лице со пореметена психолошка структура на личноста.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.