Четврток ќе биде најмалку врнежлив ден оваа недела, ако се земе предвид количината на дожд која се очекува. Според Метеопро, претпладне во голем дел од земјата ќе има умерена облачност и повеќе сончеви периоди. Попладне, облачноста ќе се зголеми и ќе има локална појава на повремен дожд. Најмали услови за дожд ќе има во југоисточниот дел од земјата, но сепак не се исклучува можноста од нивна повремена појава.
Минималната температура ќе биде во границите од 14°С до 19°С.
Максимална температура околу 26°С се очекува во северната половина на земјата, во југозападниот регион околу 24°С. Најтопло ќе биде на југоисток, до 29°С.
Во скопската котлина се очекува променливо време со сончеви периоди претпладне и релативно слаб повремен дожд попладне и во дел од вечерта. Минималната температура ќе се спушти до 17°С, додека максималната вредност на температурата ќе достигне 26°С.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
