Само неколку дена откако Русија го забрани увозот на неколку видови намирници од земјите кои ги поддржуваат санкциите, во Русија се открило дека се шверцува овошје преку Беларусија, а на кое е истакнато дека е од Зимбабве и други земји.
Како што пренесуваат медиумите, се верува дека ваков шверц постои и во Полска, Словенија и Грција, а од Русија велат дека моментално „активно ја надгледуваат ситуацијата“.
Доколку продолжи ситуацијата, велат дека ќе се забрани увозот во Белорусија, а во иднина ќе се имплементира и систем на електронско сертифицирање на робата во транзит.
Од руската Агенција за храна и ветеринарство неколку дена испорачуваа јаболка, праски, сливи и домати во Русија преку Белорусија, без конкретно да се наведе земјата на потекло, односно не е наведено дали се од земјите со кои Русија дозволува увоз и извоз – Турција, Србија, Македонија и голем број африкански земји, како Зимбабве.
Нема понудено фитосанитарни документи, што предизвика сомнеж кај руските инспектори.
-Дел од земјите во ЕУ започнаа да испраќаат производи во Белорусија без да се наведе точната земја на потекло. Откривме дека тоа е или Полска или Грција, бидејќи нема докази дека е со македонско потекло, велат инспекторите, пренесува ИТАР-ТАСС.
-Активно ја надгледуваме ситуацијата и брзо ќе го потврдиме потеклото на сомнителните производи, додаваат.
Роселхолнадзор има намера да направи систем на електронско сертифицирање на робата во транзит, а Агенцијата во меѓувреме имаше контакт со земјите со кои има дозвола за транзит.
Освен тоа, ќе се испитуваат млечните и месните производи, како и производите од риба.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
