Умерено топло време се очекува и во петок. Според Метеопро, повторно денот ќе помине во претежно сончево време. Сосема мала можност за наоблачување и краткотраен дожд ќе има попладне во крајните југозападен дел од земјата.
Утрото ќе биде малку посвежо,минималната температура ќе биде во границите од 13°С до 19°С
Максимална температура околу 28°С се очекува во северната половина на земјата, околу 27°С во југозападниот регион. Најтопло ќе биде на југоисток до 32°С.
Вредноста на УВ индексот ќе биде 6.
Во скопската котлина се очекува сончево време со умерена облачност. Минималната температура ќе се спушти до 16°С, додека максималната вредност на температурата ќе достигне 29°С.
Во Охридско-Преспанскиот се очекува сончево време со умерена облачност попладне, кога ќе има и сосема мали услови за краткотраен дожд. Максималната дневна температура ќе достигне околу 27°С.
Дојран очекува сончево време. Максималната температура ќе достигне вредност околу 30°С.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
