Министерот за надворешни работи Никола Попоски, денеска во Берлин, во рамки на Конференцијата на високо ниво за Западен Балкан, се сретна со германскиот сојузен министер за економска соработка и развој, Герд Милер.
Попоски, како што е наведено во соопштението од МНР, изрази благодарност за поддршката и интензивната економска соработка помеѓу двете земји.
Германија е првиот трговски партнер на Македонија со која се опфаќаат 20 отсто од севкупната македонска трговија, еден од водечки развојни партнери и трет инвеститор во РМ.
Министерот Попоски изрази интерес на понатамошно интензивирање на билатерална соработка и зголемување на бројот на развојни проекти планирани во иднина, особено на поле на економски развој, вклучително и трансферот на технологии, животната средина, локален и регионален развој, туризам и модернизација на образованието, истражувањето и иновациите.
Министерот Милер ја потврди повторно германската поддршка и најави можност за нов циклус за проектна соработка со Република Македонија
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
Поврзани вести
-
Берлин: Прашањето за германски репарации кон Грција е правно и политички затворено
-
Попоски и Димитров на „Топ тема“ ќе дебатираат за надворешната политика
-
Делегација од Управата за заштита на културното наследство учествуваше на првиот Европски самит во Берлин
-
По Париз, денеска протести и во Берлин: Незадоволство од цените на станарините
