СДСМ: Инцидентот во Собранието резултат на политиките на поделби

Вчерашниот инцидент во Собранието на Република Македонија, според СДСМ, е резултат на политиките на насилство, конфликтност и поделби.

Од СДСМ сметаат дека никаква Анкетна комисија не е може да биде решение, поради, како што велат, несериозното функционирање на властa.

По скандалозниот 24 декември, изјави денеска Горан Сугаревски од СДСМ, јасно беше дека во Македонија е укината парламентарната демократија.

– Прашање на време беше кога ќе се случи нов инцидент во Собранието и може само да се претпостави што уште може да се случи. Нарачателите и извршителите на насилството на 24 декевмри останаа неказнети и не понесоа никаква одговорност, рече Сугаревски.

Додаде дека поради фактот што за настаните од 24 декември никој не понесол се праќа порака до пратениците дека насилството и тепачките во Собранието се прифатлив начин на однесување и дека се може да помине.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.