За малите фармери плус 3.000 денари за хектар пченица

Дополнителни 3.000 денари за хектар или околу еден денар за килограм пченица ќе добијат земјоделците кои обработуваат до 10 хектари површина, соопшти денеска ресорниот министер Михаил Цветков.
Поддршката се воведува за да им се помогне на малите фармери кои имаат најголеми прoизводни трошоци, но и за да се постигне повисока откупна цена, до 12 денари за килограм.
– Според проценките, дополнителни 3.000 денари треба да добијат 22.600 земјоделци или 90 отсто од вкупниот број производители на лебно жито – истакна Цветков на прес-конференција.
Од засеаните 95.000 хектари пченица годинава, досега се ожнеани 93.000. Просечниот принос е 3,5 тони на хектар, а се очекува производство од 330.000 тони. Откупени се 87.000 тони по просечна цена од 11 денари за килограм. До крајот на годината се очекува откуп на 110.000 тони или 80 проценти од родот.
Земјоделците добиваат по 9.000 денари за хектар пченица и уште 3.000 доколку користат сертифицирано семе.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.