Нишани најверојатно нема да го потпише Законот за територијална поделба

По денешната средба со претставниците на локалната власт во земјата, што по негова покана се одржа на ден пред крајниот рок за потпишување на новиот Закон за територијална поделба на Албанија, стана повеќе од јасно дека албанскиот претседател Бујар Нишани нема да го стави својот потпис на овој законски текст, јави дописникот на МИА.

Во соопштението од кабинетот на Нишани објавено по средбата на која присисутваувале само градоначаниците и претседатели на советите на општините од редовите на опзоцијата, се наведува дека тој ги слушнал нивните мислења и забелешки и ги информирал дека до него се доставени голем број барања и жалби за незадовлство од новата теритријална поделба.

Претставниците на локалните власти искажале заеднички став дека во Албанија треба да има најмалку уште 20 општини. Со новиот Закон се предвидуваат 61 општина, додека Заедницата на единиците на локалната самоуправа побара од 80 до 100 ооштини. Досега Албанија имаше 373 општини.

Нишани административно-територијалната реформа ја оценил како многу значајна, но додал, дека за неа е потребна екпсертиза и професионализам.

– Административно-територијаланата реформа е големо национално прашање, кое има директно влиание врз граѓаните  на секоја педа од Албанија и кое е поврзано со националната безбедност. Реформата за која се зборува во прв ред треба да ги хармонизира животните интереси на граѓаните со оние на државата, стои во соопштението од претседателовиот кабинет.

Во него понатаму се наведува дека Нишани гарантирал целосна подршка за иницијативата на Владата околу територијалната реформа оценувајќи ја како многу значајно прашање, но додадал дека тоа треба да се спроведе во целосна согласност со националните интереси, односно граѓаните и треба да биде процес заснован на Уставот и законите во земјата.

Нишани пред четири дена не потпишани во Парламентот ги врати и законите за Високиот совет на правдата, за полицијата, како и за Управниот суд.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.