Јунак на средбата беше центарот на АБА, Џон Чепел кој постигна 18 поени а притоа во одбраната не им дозволи на гостинските играчи да се приближат до рекетот. Неговите шест блокади предизвикаа ерупција во салата “Парк” во Струмица.
Слично како неговиот вечен ривал и Работнички неочекувано загуби од Торус во “Градски парк”, дури по продолжението од пет минути со 87:89.
Мечот можеше да биде решен уште во регуларниот дел, но гостите му дозволија на Работнички со серија од 5:0 да се избори за дополнителни пет минути. Српскиот центар Немања Јелесиевиќ постигна 20 поени и 10 скокопви за Торус, а Бојан Трајковски додаде 24 коша. Кај домашните најефикасен беше Ефтим Богоев со 26, Перо Блажевски уфрли 22, а Тони Симиќ 20.
Шампионот Фени Индустри се намачи против Лирија и едвај стигна до победата од 93:88. Војдан Стојановски беше херој на Фени откако уфрли 33 поени, а кај поразениот тим се истакна Карлос Морбан со 24 коша.
Во плејаут лигата, Овче Поле го декласираше Ултимејт баскет со 96:52, а Куманово 2009 беше слободно.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
