„Не ме гледај од високо“- филм за дискриминацијата во Њујорк (видео)

Џонатан Новик е личност со низок раст. Живее во Њујорк и секојдневно се соочува со дискриминација. Луѓето се ѕверат во него, го фотографираат, го нарекуваат со погрдни имиња, само затоа што е поинаков. вели дека му е доста од тоа, на сите да им објаснува со што се сретнува катадневно, па решил тоа да го сними од прва рака.

Еден ден се упатил во град со скриена камера, да сними како изгледа еден обичен ден, за тоа потоа да прерасне во документарен филм наречен „Не ме гледај од високо“.

-Никому не сакам да му кажувам како да се однесува или што да мисли. Се надевам дека луѓето кога ќе видат само дел од мојот живот, ќе размислат кога ќе сретнат личност поинаква од нив- вели Џонатан.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.