Стара порака за нов срам на Заев

Ненад Мирчевски

Што му тре­ба­ше на ли­де­рот на опо­зи­ци­ја­та, по ед­но­ме­сеч­но „ку­ли­ра­ње“, да се по­ја­ви во јав­ност. Очиг­лед­но, убе­ден де­ка нај­го­ле­ми­от на­ци­о­на­лен праз­ник е иде­ал­на мож­ност да по­ка­же де­ка е со на­ро­дот и ко­га па­ти и ко­га сла­ви, хра­бро од­лу­чи да се по­ме­сти од ла­до­ви­на­та и да се по­ја­ви во илин­ден­ско Кру­ше­во. За раз­ли­ка од оста­на­ти­те се­ри­оз­ни по­ли­тич­ки слу­чу­ва­ња што ги имав­ме ми­на­ти­от ме­сец, Илин­ден е еден, на­ви­дум, без­о­па­сен ден за по­ли­ти­ча­ри­те за­тоа што со са­мо­то по­ја­ву­ва­ње на ме­ста­та ка­де што се ор­га­ни­зи­ра­ат све­че­но­сти до­би­ва­ат сит­ни по­ли­тич­ки по­е­ни. Тоа си­гур­но го оку­ра­жи­ло и За­ев да ја ста­ви во ми­ру­ва­ње „ре­во­лу­ци­ја­та на Фејс­бук“ и да се вра­ти за мо­мент во ре­ал­но­ста. Единс­тве­на­та „опас­ност“ на ко­ја тре­ба­ше да вни­ма­ва е да не на­пра­ви не­ка­ков гаф, што за се­ри­оз­ни по­ли­ти­ча­ри што пре­тен­ди­ра­ат да во­дат др­жа­ва би тре­ба­ло да би­де ру­ти­на, а ни­ка­ко то­вар.

Но, За­ев и овој пат се по­сра­мо­ти ка­ко што са­мо тој знае, па та­ка во тие пет-шест ре­че­ни­ци со кои се оби­де да „изра­зи по­чит кон хе­ро­и­те што ги да­ле жи­во­ти­те за не­за­вис­на Ма­ке­до­ни­ја“, всуш­ност по­ка­жа огром­но не­по­чи­ту­ва­ње и кон илин­ден­ци­те и кон це­ла­та ма­ке­дон­ска јав­ност упа­ту­вај­ќи ја иста­та че­сти­тка од ми­на­та­та го­ди­на. Се раз­би­ра, го­ди­неш­на­та по­ра­ка е со ко­ри­ги­ра­ни да­ту­ми на го­диш­ни­ци­те што ги сла­ви­ме и во мал­ку по­кра­тка ва­ри­јан­та од лан­ска­та, нај­ве­ро­јат­но за­тоа што до­пи­шу­ва­ње­то би му од­зе­ло по­ве­ќе вре­ме. Та­ка на­ме­сто искре­ни че­сти­тки, гра­ѓа­ни­те слу­ша­ат из­ли­те­ни фра­зи две го­ди­ни со ред. Со тоа За­ев не са­мо што пре­зен­ти­ра­ше це­лос­на не­за­ин­те­ре­си­ра­ност кон праз­ни­кот, ту­ку и уште ед­наш ја по­ка­жа сво­ја­та др­скост пот­це­ну­вај­ќи ги гра­ѓа­ни­те со тоа што по втор­пат ќе ги „по­че­сти“ со не­го­ви­от илин­ден­ски го­вор. Та­кви­от од­нос не е не­што но­во на Би­ха­ќка. По­ни­жу­вач­ки­от трет­ман на Илин­ден е са­мо уште еден во ни­за­та аро­гант­ни на­ста­пи на ра­ко­водс­тво­то на опо­зи­ци­ја­та.

Во след­но­то по­ја­ву­ва­ње на опо­зи­ци­ски­от ли­дер, по­крај из­ви­ну­ва­ње до ма­ке­дон­ски­те гра­ѓа­ни, оче­ку­ва­ме да го чу­е­ме и не­го­во­то об­јас­ну­ва­ње, ка­кво и да е. Па, кол­ку ли са­мо вре­ме ќе му од­зе­ме­ше од од­мо­рот за да со­ста­ви пет ре­че­ни­ци во кои искре­но ќе ја изра­зи сво­ја­та бла­го­дар­ност до си­те што ги по­ло­жи­ле жи­во­ти­те за сло­бод­на Ма­ке­до­ни­ја? Да­ли на­ви­сти­на це­лос­но е пре­пу­штен на од­мор и ре­кре­а­ци­ја, па не са­ка да се за­мо­ру­ва со илин­ден­ци­те по же­шти­ни­ве или, пак, овој зна­ча­ен ден за се­кој Ма­ке­до­нец е са­мо уште еден оби­чен ден во ка­лен­да­рот на пр­ви­от чо­век на опо­зи­ци­ја­та?

Не се иск­лу­чу­ва мож­но­ста де­ка не­кој од не­го­ви­от тим во пар­ти­ја­та за­дол­жен за про­то­кол му ра­бо­ти зад грб и на­мер­но му ме­сти скан­да­ли, па на ма­са му го сер­ви­рал лан­ски­от го­вор. Та­кво не­што не би сме­ел да приз­нае јав­но за­тоа што тоа е уште по­го­лем срам за не­го. А, ду­ри и да е та­ка, За­ев би тре­ба­ло ба­рем мал­ку да се се­ќа­ва што ка­жал ла­ни во ви­де­о­по­ра­ка­та об­ја­ве­на еден ден пред Илин­ден, ко­ја и ден-де­нес мо­же да се нај­де на ин­тер­нет. За­тоа, кој и да е „авто­рот“ на илин­ден­ска­та че­сти­тка на За­ев, сра­мот и овој пат оди на сме­тка на ли­де­рот на опо­зи­ци­ја­та, а СДСМ уште ед­наш по­тсе­ти зо­што е опо­зи­ци­ја осум го­ди­ни по ред и зо­што со та­ков од­нос уште дол­го не­ма да мо­же да се вра­ти на власт.

Ставовите искажани во рубриката Колумни се лични ставови на авторите и не се автоматски и ставови на редакцијата на Republika.mk. Редакцијата на Republika.mk се оградува од ставовите во објавените колумни, а одговорноста за изнесеното во нив е исклучиво на авторот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.