Бугарија демантира дека дозволува 0,5 афлатоксин

Амбасадата на Бугарија во Белград демантираше дека во Бугарија е дозволена концентрација на афлатоксин во млекото од 0,5 микрограми по килограм, како што изјави српскиот министер за земјоделство Горан Кнежевиќ.

Во соопштение се истакнува дека Бугарија строго се придржува и применува регулативи на ЕУ.

– Во согласност со тие регулативи, од 2006 година, дозволената количина афлатоксин во млекото на бугарскиот пазар е 0,05 микрограми по килограм млеко, се вели во соопштението до бугарската амбасада во Белград.

Владата на Србија реши да промени правилник за дозволена концентрација на афлатоксин во млекото и горната граница од сегашните 0,05 мг/кг. ја зголеми на 0,5.

Министерот Кнежевиќ наведе дека две третини од државите во светот, меѓу кои и Бугарија, имаат прописи што дозволуваат присуство до 0,5 мг/кг.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.