Свекољник е руска студена и здрава чорба, која одлично освежува, посебно кога е лето. Русите, освен со свекољник, се освежуваат и со морс. Тоа е освежителен пијалак од брусница и од мед.
Русите толку многу ги сакаат чорбите што ги јадат дури и кога температурата ќе достигне 30 степени – тогаш на ред доаѓаат студените чорби. Свекољник е една од омилените затоа што се прави од цвекло, исто како и боршчот. Ова јадење на менито на Русите го има мошне кратко, и тоа во најтоплиот период од летото. Како што велат некои, свекољник претставува поскромна варијанта на боршчот! Оваа чорба е студена, свежа, здрава и освежителна.
Состојки:
150 грама цвекло
50 грама кисела павлака
1 супена лажица шеќер
1 белка од тврдо варено јајце
75 грама краставички, исечкани на коцки
10 грама зелена салата
3 страка сечкан млад кромид
2 супени лажици мешовит зачин и магдонос
сок од лимон по желба
сол по вкус
1 1⁄4 шолја (300 грама) сок од цвекло
Подготовка :
Добро измијте го цвеклото, затоа што се користи како основа за чорба. Цвеклото се вари додека не омекне. Kога цвеклото е сварено се додава сок од лимон.
Потоа се вади цвеклото од тенџерето, се лади и се цеди сокот. Свареното цвекло се лупи и се сечка на парчиња. Се додава шеќерот, исечканата белка од јајце, зелената салата, младиот кромид, ситно сечканата краставичка и киселата павлака.
По желба, можете да додадете варен компир или свежи јаболка.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
