Драмата се случувала синоќа околу полноќ додека И.Ѓ. се враќал од Пониква кон Штип. Во еден момент на коловозот забележал непозната жена која барала превоз. Застанал и ја однел до бензиската пумпа кај селото Чешиново, каде што ја оставил, но откако видел дека таа повторно излегла на коловозот, се исплашил за нејзината безбедност и одлучил да се врати и да ја однесе до селото Крупиште.
Откако пристигнале на паркинг во селото, тој ѝ ја отворил вратата за да излезе, по што девојката му побарала пари. Кога не ги добила, му ги зела клучевите од автомобилот, физички го нападнала со тупаници и од вратот му го скинала златниот ѓердан.
Кочанецот брзо се соземал од шокот и од она што најмалку го очекувал, и успеал да си ги земе клучевите назад, по што отишол во Штип каде што го пријавил случајот.
Кратко потоа полицијата ја привела 25-годишната девојка Б.Е., против која ќе биде поднесена кривична пријава за разбојништво.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
