Кампања: „Не оставајте вредни предмети во вашиот автомобил”

Екипи на Одделението за превенција при СВР Скопје, на Полициската станица од општа надлежност Кисела Вода и претставници на општина Кисела Вода, денеска го спроведоа проектот „Не оставајте вредни предмети во вашиот автомобил“, кој е дел од кампањата за превенција од имотни деликти.

Кампањата, која има за цел превентивно дејствување и намалување на бројот на кражби од приватните возила беше спроведена на повеќе локации низ општината, при што беше поделен информативен материјал-летоци, налепници и сенки за автомобил, со едукативна содржина за возачите. Полициските службеници ги запознаваа граѓаните со мерките за превенција и самозаштита кои треба да ги преземат како би се намалил бројот на извршени кривични дела од овој тип.

– Подигнувањето на безбедносната култура кај сопствениците на возила, редовното присусво на полициски патроли и зајакнување на довербата и соработката меѓу граѓаните и полицијата, која преку вакви и слични проекти треба да се достигне, треба да донесе зголемување на чувството на сигурност и безбедност на граѓаните во нивните населени места – се вели во соопштението од општина Кисела Вода

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.