Украински војници: Зошто велат дека напаѓаме? Тука сме како топовско месо!

Припадниците на украинските сили се целосно разбиени во областа Луганск и веќе четврти ден се обидуваат да се извлечат од обрачот, а војниците ни сами не ги разбираат наредбите на своите претпоставени, јавува украинската телевизија Еспресо ТВ.

-Војниците од украинската 72. механизирана бригада која се наоѓа во непосредна близина на Изварин во регионот Луганск четврти ден се во обрач и трпат тешки загуби. Поради силниот оган на терористите не можат да се евакуираат мртвите и ранетите. Војниците остануваат без муниција и не можат да се пробијат од обрачот. Напаѓачите постојано стрелаат врз нашите војници со топовски оган и со повеќецевни ракетни фрлачи. Ситуацијата е критична, војниците не се сигурни дека ова ќе го издржат, вели еден од пониските офицери во бригадата.

Воени извори наведуваат дека украинската војска имала заповед да не прави ништо друго освен да се обидува да ја разбие опсадата и да се обидат да ги спасат останатите сили во нивна близина.

– Нашите претпоставени даваат многу чудни наредби.  Многу пати сме виделе како преку границата преминуваат камиони Камаз, но добивме наредба да не пукаме. Само ги гледаме како преминуваат. Се сомневаме дека некои од нашите претпоставени се предавници. Овде, на пример, неодамна ведовме колона од 50 возила и да ги нападневме од заседа ќе уништевме барем 20-30, вели украински офицер.
Неодамна 72. бригада била гранатирана од оддалеченост од неколку десетици километри.

– ова не е одбрана. Ние сме всушност поразени, вели офицерот.
Украинските воени извори наведуваат дека терористите напаѓаат на граница, но е нејасно од која територија, украинска или руска.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.