A, што правите вие после секс?

Без разлика дали сакате да се галите, да заспиете веднаш, да се туширате или да тркнете до фрижидер, тоа кажува многу за вас.

Барем така тврди едно неодамнешно истражување спроведено на Универзитетот во Мичиген, во кое беше заклучено дека времето после секс е подеднакво важно како и самиот чин. Испитувањето беше спроведена од страна на Сузан Хјуз и Даниел Кругер на 456 студенти, по што заклучокот е дека и за жените стана сосема вообичаено први да заспијат после секс. Според студијата, партнерот кој заспива втор е оној има посилна желба за поврзување и комуникација.

– По сексот, нашите тела се полни со хормонот ендорфин, поради кој се чувствуваме полни со љубов и блиски. Секако, тоа чувство сакаме да го споделиме со партнерот. Ако вашиот партнер заспива веднаш после сексот, тоа не значи дека тој не се грижи. Но, ако се случува често, тоа е јасен знак дека не е толку многу вклучен во вашата врска и дека постои причина зошто тој е „отсутен“ – вели Кругер,

Заклучокот на истражувањето е дека секоја активност после секс, која не вклучува паѓање во длабок сон, ќе придонесе за зајакнување на вашата врска, особено разговорот и милувањето. Дури и заедничко гледање на телевизија или филм има попозитивен ефект од заспивањето.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.