Во кражба во Волково украени пиштол и златен накит

Пиштол и златен накит се украдени во куќа во скопско Волково. Тешката кражба се случила во петокот, соопшти полицијата.

Во куќата, сопственост на Д.В.(39), непознатиот сторител влегол преку прозорецот од дневната соба откако од него го отстранил комарникот. Ги пребарал собите и одзел пиштол и дозвола сопственост на С.В.(65) и разновиден златен накит при што се стекнал со противправна имотна корист од околу 100.000 денари.

Полицијата презема мерки за пронаоѓање на сторителот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.