Министерот за евроинтеграции Фатмир Бесими во Брисел ќе се сретне со комесарот за проширување на Европската унија Штефан Филе со цел да разговараат за исполнувањето на задачите од Пристапниот дијалог на високо ниво (ХЛАД), подготовката на Европската комисија на пролетниот извештај за Република Македонија и за актуелната политичка криза и бојкотот на опозициската СДСМ.
Освен со Филе, на агендата на посетата е и средба со известувачот Ричард Ховит и со Александра Кас-Грање, раководител на Б-одделението во Директоратот за проширување каде се наоѓа македонското досие.
Средбата на Бесими со Ховит доаѓа по одложувањето на гласањето за Резолуцијата на ЕП за Македонија во однос на октомврискиот извештај на Комисијата. Со Кас-Грање, пак, Бесими се очекува исто да разговара за техничките детали од ХЛАД-от и Специјалниот извештај за Македонија што ЕК се очекува да го објави на 27-ми април.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
