Д-р Елизабета Зисовска, вонреден професор по Клинички медицински науки, е именувана за директор на новоформираната Агенција за квалитет и акредитација на здравствените установи на вчерашната седница на Владата на РМ.
Како што соопшти Министерството за здравство, Зисовска е специјалист педијатар и доктор по медицински науки, вработена на Одделението за новородени деца при Универзитетската клиника за гинекологија и акушерство во Скопје.
Д-р Елизабета Зисовска
– Од 2004 година работи како научен соработник на Медицинскиот факултет во Скопје, а во 2010 година е избрана во наставно-научно звање насловен вонреден професор по Клинички медицински науки на Факултетот за медицински науки на Универзитетот „Гоце Делчев“ – Штип. Досегашната професионална кариера на д-р Зисовска опфаќа поголем број објавени стручно-научни трудови во земјата и во странство, реализирани престои во странство и одржани предавања во рамки на стручни европски и светски конференции и семинари, информира Министерството за здравство.
Новоформираната Агенција за квалитет и акредитација на здравствените установи во Република Македонија е надлежна за развивање систем за акредитација усогласен со европската и меѓународната пракса од оваа област, како и спроведување едукација од областа на квалитетот на здравствената заштита и акредитацијата, утврдување на стандарди за акредитација на здравствените установи, проценка на квалитетот на укажаната здравствена заштита на пациентите, акредитација на здравствените установи, рангирање на здравствените установи и издавање сертификат за акредитација
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
