Српските метеоролози предупредуваат дека се очекуваат силни ветришта, олуја, град и воздушни вртлози – торнада.
-Дававме предупредувања и тие се исполнија. Кумулонимбусите надвиснаа над селото Шопиќ и надвладеа силно невреме. Тоа беа мини циклони слични на торнада кои со себе носат предмети, кровови и други работи – велат од метеоролошката служба.
Драган Ѓуриќ од метеоролошкиот завод на Србија за Блиц објасни дека веќе во понеделник се очекуваат слични неприлики, иако со послаб интензитет.
Како што велат српските метеоролози, за време на потоплиот дел од годината се појавуваат облаци кои со себе носат грмотевици, обилни врнежи, град и олуи.
Во последните 30 години во Србија се регистрирани вкупно 4 вакви невремиња, а она што го зафати Шопиќ е петто.
Тие предупредуваат дека во следниот период се очекуваат уште климатски промени, но не се знае колку ќе траат и колкав интензитет ќе имаат.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
