Ракописот од ‘Like a Rolling Stone’ од Боб Дилан продаден за два милиони долари

Ракописот од песната „Like a Rolling Stone“, којашто се смета за една од највлијателните песни на музиката, со тоа стана најскапиот ракопис од некоја рок песна на сите времиња. Претходниот рекорд беше поставен во 2010 година коза за 1,2 милиони долари беше продаден ракописот од песната „A Day in the Life“ на легендарната „бубачка“ Џон Ленон.

Песната на Боб Дилан напишана во 1965 година трае повеќе од шест минути, а нејзиниот стил и аранжман и денес се едни од најпознатите и највлијателни негови стилови.Песната „Like a Rolling Stone“ е на врвот од листата со 500-те најголеми песни на сите времиња во изборот на влијателниот музички магазин The Rolling Stone.

На истото наддавање биле понудени околу 150 експонати коишто досега биле во приватни колекции или во сопственост на луѓе кои работеле во музичката индустрија па така дошле до тие предмети

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.