Почна реализацијата на третиот пакет владини мерки

Од денеска почнуваат да важат мерките кои вчера беа донесени на владина седница, кои предвидуваат бесплатен железнички превоз за студентите и пензионерите.

Ова го истакна владиниот портпарол Александар Ѓорѓиев за време на неговото гостување во вестите на Сител телевизија.

– Од денска почнуваат да важат сите оние бенефити коишто ги промовираше премиерот, а коишто значат или бесплатен превоз во железничкиот сообраќај за определени групи на граѓани или пак попусти на картите за транспорт со железницата. Од денeска сите ученици и студенти доколку купат карта за железничкиот сообраќај на било која линија ќе добијат попуст од 50 отсто – истакна Ѓорѓиев.

Почнувајќи од следниот четврток, како што нагласи тој, сите студенти кои сакаат и имаат потреба да се возат со железницата тоа ќе можат да го сторат бесплатно, како и во секој нареден четврток.

– Додека пак вториот викенд од месец јули, односно деновите петок, сабота и недела ќе бидат бесплатни за превоз на сите повозрасни лица, односно жени над 62 и мажи над 64 години – додаде владиниот портпарол Ѓорѓиев

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.