Министерството за внатрешни работи на Русија реши да ја смени униформата на руската полиција, односно ги забрани кратките сукњи, јавува „Москва тајмс“.
– Кога се среќаваш со луѓе, првото нешто што го гледаш е нивната облека, а за полицаецот што ја исполнува својата должност, од клучно значење е да изгледа уредно и средено. Одвреме-навреме гледаме примери на полицајци што неправилно ги носат своите униформи. Шефовите на сектори мора да му посветат поголемо внимание на изгледот на своите потчинети, рекол заменик-министерот за внатрешни работи, Сергеј Герасимов, во меморандум што го добил рускиот весник „Известија“.
„Москва тајмс“ објави дека забраната била воведена за да се спречи растечкиот тренд на кратење на сукњите на полицајките, како и тенденцијата полицајците да ги кратат ракавите на своите кошули.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
