Апел за организирање хуманитарна помош за поплавените во Бугарија

Невладината организација „Цивил“ апелира до Црвен Крст и до другите хуманитарни организации во земјава да организираат хуманитарна помош за Бугарија, која во изминатите денови беше погодена од поплави.

Македонскиот и бугарскиот Црвен крст се во постојана комуникација, беше претходно соопштено.

„Убедени сме дека голем број граѓани на нашата земја се подготвени да ја покажат својата хуманост и овојпат, како и во тешките денови за населението на Србија, Босна и Хрватска. За тоа да се случи, потребно е да се организира таквата помош во материјални добра, како и отворање телефонски линии за парична помош“ се вели во соопштението на „Цивил“.

Македонија мошне брзо се организираше за помош на неодамна поплавените подрачја во Србија.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.