Во Центарот за култура „Григор Прличев“ вечер ќе биде прикажан филмот „Ив Сен Лоран“, во рамки на Фестивалот на француски филм. Филмот е на режисерот Жалил Лепер, а играат Пјер Нине, Шарлот Ле Бон и Гијом Галиен. Во него е раскажана приказната за животот на францускиот моден креатор Ив Сен –Лоран.
Фестивалот на францускиот филм свечено беше отворен синоќа со проекција на филмот Ке д’Орсе на Бертран Таверние. Охридските љубители на филмот вчеравечер во Центарот за култура „Григор Прличев“ во Охрид имаа можност да го проследат филмот „Ив Сен –Лоран“, кој беше прикажан во рамки на седмото издание на Фестивалот на француски филм.
Ова е единствениот филм кој беше прикажан во Охрид, како дел од годинешната програма на фестивалот. На проекцијата на филмот присуствуваат и дел од ексклузивните гости на фестивалот, амбасадорката на Франција во Република Македонија, Лоренс Оер, делегација од општина Охрид, како и носители на јавни функции во градот.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
