Падна потпорен ѕид во дворот на градинката „Кочо Рацин“

Утринава околу 5 часот падна потпорен ѕид во дворот на детската градинка „Кочо Рацин“ – клон „Панорама“, објави „А1.Он“.

Потпорниот ѕид се одвои од земјиштето поради обилните врнежи.

Овој потпорен ѕид немал лежиште, а и дебелината на потпорниот ѕид била 15-20 см, недоволна за да може да го задржи земјиштето.

Ѕидот паднал во дворот каде што вообичаено си играат децата од градинката. Среќа во несреќа е што ова се случило во раните утрински часови кога децата сѐ уште не биле пристигнати во градинката.

Оштетени се детски реквизити и електричната мрежа за улично осветлување во градинката.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.