Првиот брод од Охрид до Поградец, соседна Албанија заплови денеска претпладне од градското пристаниште во Охрид. Со ова,официјално стартува бродската линија Охрид – Поградец што за прв пат се воспоставува помеѓу Република Македонија и Република Албанија.
На овој многу значаен настан за двете земји, му претходеше културно-уметничка програма на охридското пристаниште. Првиот брод во Албанија ќе го пречека албанскиот министер за транспорт и инфраструктура Едмонд Хаџинасто.
Бродската чартер линија која ќе сообраќа од Охрид до Поградец во Албанија, се воспоставува со цел во текот на летната туристичка сезона по воден пат да се превезуваат туристи во двете земји.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
