Три среќни семејства на корисници кои редовно ги плаќаат сметките за електрична енергија вечерва ќе се натпреваруваат во наградната игра на ЕВН Македонија „Среќно семејство“. Низ четири забавни игри семјствата ќе се натпреваруваат за награди од 300, 500 и 1.000 евра. Како што соопштуваат од компанијата, со ова ЕВН Македонија ја наградува довербата на своите корисници кои редовни ги плаќаат сметките.
Минатата недела во првото промотивно издание се натпреваруваа семејствата на познати личности, а средствата беа наменети за интернатот „Гоце Делчев“ од село Љубанци, за Здружението на граѓани за третман на лица со аутизам, АДХД аспергеров синдром „Во мојот свет“- Скопје и за Заводот за рехабилитација на деца и младинци – Скопје.
ЕВН Македонија двојно го зголеми наградниот фонд од играта со што дополнителните средства беа донирани за помош на настраданите во поплавите во Србија, Босна и Херцеговина и Хрватска.
Наградната игра „Среќно семејство“ се емитува на ТВ Алфа секој втор понеделник во 19:15 часот по централниот дневник. Истиот ден емисијата се емитува и на ТВ Алсат во 22:15 часот на албански јазик. Репризните изданија на наградната игра на двете телевизии ќе се емитуваат за време на викендот.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
