Прилеп: Машки труп најден во езеро

Под браната на вештачкото езеро во Прилеп денеска околу 14 часот пронајден е машки труп. Чуварот на браната го пронашол трупот и ги информирал полицијата и итната помош.

Заменик основниот јавен обвинител Ристо Шошески направил увид на лице место и според првичните информации станува збор за маж на 36-годишна возраст од Прилеп со иницијали Р.В.

Според Гоце Јонзоски, началник на службата за итна помош, телото било со видлива повредна на главата.

– Наверојатно смртта настапила во раните утрински часови, но засега ништо со сигурност не може да се каже додека не се изврши обдукција, вели Јонзоски.

Чуварот на браната уште изутрината околу 8 часот кога ја почнал смената, забележал торба на браната. Околу 14 часот торбата се уште стоела на браната и по обиколката го забележал машкиот труп.

Како што вели заменик јавниот обвинител Шошески, во џебот од пантолоните на починатиот пронајдена е лична карта, но идентификацијата допрва ќе се утврди, а со обдукцијата и причините за смртта на 36-годишниот прилепчанец.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.