Белами ја заврши фудбалската кариера

Поранешниот напаѓач на Манчестер сити и на Ливерпул, Крег Белами, објави дека ја завршува кариерата.

Триесет и четиригодишниот Велшанец последните две сезони ги помина во дресот на Кардиф, клубот од родниот град, а испаѓањето во втората лига беше сигнал да ја заврши 17-годишната кариера.

– Размислував за повлекување последните неколку години. Меѓутоа, дојде време да кажам доста, а за тоа придонесоа и честите повреди, само го послушав своето тело. Најмногу ми значеше тоа што со својот Кардиф играв во Премиерлигата – изјави Белами.

Белами ги бранеше боите и на Селтик, Њукасл, Вест Хем, Норич, Блекбурн и Ковентри, додека за репрезентацијата на Велс одигра 78 натпревари и постигна 19 гола.

По фудбалската кариера, Белами има намера наредните две години да ги посвети за влез во менаџерските води, а сон му е еден ден да стане селектор на Велс.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.