Лондон е најатрактивен град на светот, а Париз, кој пред две години беше четврти на листата, сега падна за две места подолу и на 6. позиција, покажаа резултатите од истражувањето на мултинационалната компанија ПВЦ.
Истражувањето опфати 30 градови во светот, а рангирањето е направено во однос на 10 критериуми, пренесува агенцијата АФП.
Зад Лондон се Њујорк, Сингапур, Торонто и Сан Франциско. Хонг Конг е на осмата позиција, а Пекинг и Шангај се на 19. и 20. место.
Во истражувањето се наведува дека Париз е шампион во категоријата „интелектуален капитал и иновации“. Главниот град на Франција се истакнува и по својот образовен систем, заштита на животната средина, чување на околината, а според раширеноста на мрежата на јавниот сообраќај е на водечката позиција на листата. Париз во рангирањето добил помалку поени поради пренаселеност и потешкотии во доаѓање на стан. Според овој критериум, Париз е на 14. место.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
