Груевски ќе го добие мандатот за составување нова влада

Претседателот на Република Македонија, Ѓорге Иванов, денеска во 15.30 часот во вила Водно ќе му го врачи мандатот за формирање влада на Никола Груевски, лидерот на ВМРО-ДПМНЕ, која освои најмногу пратенички места на неодамна одржаните вонредни парламентарни избори.

Според Уставот, мандатарот од партијата, односно партиите што имаат мнозинство во Парламентот, во рок од 20 дена од денот на доверувањето на мандатот, на Собранието му поднесува програма и го предлага составот на Владата.

Владата, на предлог на мандаторот и врз основа на програмата, треба да биде избрана во Собранието со мнозинство гласови од вкупниот број пратеници, најдоцна на 16 јуни 2014 година.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.