Досега се евакуиранини над 4000 луѓе, но помош бараат многу повеќе. Состојбата утринава станала исклучително драматична, бидејќи насипите на реката Сава се пробиени во должина од сто метри. Предупреди дека денеска се очекува голем поплавен бран. Мариќ информираше дека нивните спасувачки екипи со чамци и хеликоптери ги извлекуваат прво оние што се во куќи со еден кат, деца, жени и стари и болни, а потоа другите што чекаат на спратовите од куќите.

Тој се заблагодари на сите доброволци, кои ги има во голем број, а посебно на руските спасувачки тимови, кои според него, прават натчовечки напори. Според Мариќ,русите дури и пливаат по надојдените води, за да ги спасат луѓето. Мариќ рече дека е добродојдена помошта и на Словенците, кои со две огромни пумпи помагаат за испумпување на водата од најзагрозените подрачја. Апелираше да се донираат храна, вода и облека бидејќи има села до кои дошле првпат по три дена, како на пример во Крупањ, каде затекнале страотна слика. Со земја се срамнети стотици куќи.Таму луѓето буквално немаат ништо.

Засега позитивна вест е дека ноќеска е спасен Шабац од евентуално излевање на реката Сава, потврди началникот на ГШ на армијата на Србија, генерал Љубиша Диковиќ.
– Кога почнавме не бев оптимист, имаше многу проблеми. Подоцна ситуацијата се поправи, се дојде на свое место. Ангажирани се повеќе од 6.000 граѓани и припадници на МВР и Армијата на Србија кои навистина макотрпно работеа. Со задоволство може да констратирам дека градот е спасен – изјави Диковиќ за РТС

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.