Кривична за поранешниот директор на „Проаква“

СВР Охрид поднесе кривична пријава против Б.Т.(53) од Охрид, поранешен директор на јавното претпријатие „Проаква“-Струга, за сторено кривично дело злоупотреба на службената положба и овластување.

Пријавениот, како директор на претпријатието на седница на управниот одбор во 2009 година предложил поради превработеност и тешка материјална состојба да бидат прогласени 23 вработени како технолошки вишок во „Водовод“-Охрид, која е дел од „Проаква“-Струга.

Пријавениот ги довел во заблуда членовите на управниот одбор предлагајќи да донесат одлука на овие вработени противзаконито да им се даде надомест од 60 идни плати на товар на јавното претпријатие и исплата на еднократен надоместок од по 8.000 денари по работник.

По донесувањето на одлуката од страна на управниот одбор, Б.Т. потпишал поединечни договори со 23-та работници за исплата на 60 плати, при што со ваквите дејствија претпријатието е оштетено за 6.365.671 денари.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.