„Џонсон контролс“ го продаде бизнисот за автомобилска електроника на Вистеон

„Џонсон контролс“ објави дека потпишал договор да го продаде својот бизнис во автомобилската електроника на „Вистеон“ (Visteon Corporation) за 265 милиони долари. Во пакетот е влезена и фабриката во Македонија.

– Ние сме задоволни со овој договор. Корпорацијата „Вистеон“ одговара за бизнисот и ќе обезбеди соодветно ниво на посветеност и ќе обезбеди долгорочна вредност за нашите клиенти и вработени – изјави Алекс Молинароли (Alex Molinaroli), претседател и извршен директор на „Џонсон контролс“.

По оваа трансакција, „Џонсон контролс“ ќе се фокусира на клучните бизниси и пренамени и ќе го проширува своето портфолио и ќе ја зголемува вредноста на акциите, соопштува компанијата.

„Вистеон“, исто така, е глобален набавувач на електроника за автомобилски компании и вработува 22.000 луѓе во 29 земји.

Со тој договор „Вистеон“ ги презема и фабриките на „Џонсон контролс“ во Македонија, САД, Бразил, Словачка, Тунис, Франција, Бугарија и три фабрики во Германија.

Извор: МКД.мк

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.