Никола Попоски: Граѓаните ќе вадат извод и имотни листови од автомат

Носителот на кандидатската листа на ВМРО-ДПМНЕ за ИЕ 6, Никола Попоски денеска оствари средба со граѓани во Тетово. Тој го посети Здружението на слепи, Здружението на глуви и Здружението на Воени Инвалиди. На средбите тој ги потенцираше реализираните проекти на Владата на Република Македонија предводена од ВМРО-ДПМНЕ за подобрување на квалитетот на живот на овие лица.

-Во централни локации низ неколку градови ќе се постават автомати каде што граѓаните врз база на електронска идентификација ќе можат да добијат повеќе услуги и документи од типот на извод од матична книга, имотни листови, документи од Централниот регистар, Царинската управа, Управата за јавни приходи, Катастарот и другите. Автоматите ќе бидат поврзани преку интернет до оние институции што ги издаваат своите услуги електронски. Граѓаните ќе можат преку платежна картичка да ја платат услугата и дополнителни услуги како вода, струја, телефонија итн. Особено ќе бидат корисни во општини каде што нема подрачна единица од централните институции и граѓаните постојано треба да патуваат до најблиската канцеларијаистакна Попоски.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.