Ставовите на Москва за Украина не допираат до европските граѓани, бидејќи тие наидуваат на „бетонски ѕид на цензура“ во медиумите, изјави денеска портпаролот на рускиот претседател Владимир Путин, Дмитриј Песков.
– Европските читатели и гледачи сега фактички не можат да добијат сеопфатна информација. Тие немаат право на слобода при избор на информации. Тоа го констатираме со огромно жалење, но тоа е вистината – истакна Песков.
Според него, претседателот, парламентот и министерот за надворешни работи на Русија активно работат на тоа да ги „објаснат погледите на Москва и да ги оспорат овие или оние обвинувања и шпекулации“.
Тој додаде дека рускиот став е аргументиран и логичен, но „не поминува“ поради цензура во европските медиуми.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
