Во сообраќајката кај Батинци повредени седум патници

Седум лица се повредени во сообраќајна несреќа што се случи вечерва меѓу две возила, кај скопско Батинци.

Како што изјавија од МВР за МИА, сообраќајката се случила по 21 часот меѓу југо и хундаи и двете со скопски регистрарски таблички. Четири од повредените лица биле пренесени во Градската општа болница, а три лица во Ургентниот центар каде им е укажана лекарска помош. Едно од лицата кои биле згрижени во Градската болница по добиената лекарска помош е пуштено на домашно лекување.

Полицијата врши увид на местото на несреќата.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.