Според предлогот што до Собранието го достави премиерот Никола Груевски, со евроинтеграциите треба да раководи Фатмир Бесими, актуелен министер за одбрана, а нов министер за локална самоуправа Тахир Хани, сега заменик-министер за транспорт и врски.
Пратениците треба да се изјаснат и за избор на нов министер за одбрана по испразнетото место на таа функција заради ротирањето на Бесими во ресорот евроинтеграции. Предлогот на премиерот е со одбраната да раководи Талат Џафери, координатор на пратеничката група на ДУИ.
Народните избраници треба да гласаат и за испразнетите места на земениците министри за внатрешни работи, за транспорт и врски, и за финансии, на кои функции според предлогот на премиерот треба да стапат Земри Ќамили, Џељаљ Бајрами, досегашниот заменик за внатрешни работи, и Ардиан Џеладини.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
