Вработувања и бесплатни билети за младите во новата програма на ВМРО-ДПМНЕ

Новиот Закон за вработување на младите до 29 години веќе ги носи првите резултати. Претседателот на ВМРО-ДПМНЕ Никола Груевски на вечерашниот митинг во Тетово истакна дека со овој закон се отвора одлична можност за вработување на младите, но и се олеснуваат работодавачите преку ослободување од плаќање на персонален данок на доход, придонеси за здравство и пензиско осигурување во висина од околу 34% од бруто платата.

-Тоа  е охрабрување да што повеќе млади луѓе се вработат. Секако негова обврска е да ги задржи најмалку уште една година откако ќе ги искористи овие средства . За овој проект досега се пријавени голем број на фирми со над 700 вработувања. Веќе првите ефекти доаѓаат и ја верувам дека во наредните две години ќе има уште поголеми ефекти во ова мерка, нагласи Груевски.

Тој додаде дека за младите се предвидени и низа други проекти во новата прогрма на ВМРО-ДПМНЕ, како што е проектот со кој секој четврток младите ќе може да користат бесплатни билети.

-Ќе се користат бесплатни билети за театри за државните кина, за јавниот превоз за железница или јавниот превоз онаму каде што во градовите го има, бесплати  билети за другите јавни институции и еднаш месечно во еден викенд ќе имат бесплатни билети и за возовите во двата правци било каде во државата, посочи Груевски.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.