Иванов: Ќе обезбедам силна поддршка за сите проекти кои се од интерес на граѓаните

Кандидатот за претседател на на ВМРО-ДПМНЕ, Ѓорге Иванов, на вечерашната дебата на МТВ1 истакна дека ќе обезбедува политичка поддршка за сите проекти кои се во интерес на граѓаните.

-Сето она што го правев во изминатите пет години ќе продолжам со зголемен интензитет. Иако не е со Уставот дадено, не е со Уставот ни одземено за ингеренциите во економијата. Каде и да одам, повторно ќе носам со мене бизнисмени и ќе правиме бизнис форуми да ги претставуваме потенцијалите што ги има Република Македонија за привлекување на странски инвестиции и обезбедување на нови пазари. Ќе обезбедувам политичка поддршка за сите проекти кои се од интерес за граѓаните на Македонија – нагласи Иванов.

Тој образложи дека ќе ја даде својата максимална поддршка бидејќи таквата работа доведе во последните години да се отворат 120.000 нови работни места.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.