Поради технички зафати во електроенергетската мрежа утре без струја ќе останат делови од повеќе скопски општини.
Регионалниот центар за управување со кризи на Град Скопје соопшти дека од 8:30 до 16 часот без електрична енергија ќе останат селата Ракотинци и Добри Дол, од 9 до 10 часот улицата „Саса“ крак 4 и 2 во населба Пинтија, а од 9 до 11 дел од улица „Прашка“ и булевар „Митрополит Теодосиј Гологанов“ во околината на зградата Импексел 1 и 2.
Во периодот од 9 до 12 дел од село Студеничани, до 14 дел од улиците „Браќа Чакареви“ и „Христо Батанџиев“, а до 15 часот улица „Црногорска“ бр. 6 и „Христо Татарчев“ бр. 22 (до хотел Најс).
Без електрична енергија од 9 до 17 часот ќе бидат улиците „7 Јули“, „Кримска“, „Прохор Пчињски“ и дел од „Пластичарска“.
Според информацијата, од 9:30 до 15 часот без струја ќе бидат жителите од улицата „Ѓорче Петров“ од бр. 1 до бр.10, дел од објектите кај кружниот тек, дел од дуќаните на пазарот, како и ТЦ Ѓорче Петров, улиците „Стрезово“, „Илија Плавев“, „Козле“ и „Милан Марковиќ“, а до 15:30 дел од улиците „Наум Пушкарев“ и „Хераклеа“.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
